कोणतीही ब्लिंग होणार ई – मेलच्या पेजवर नसणारी अॅड , भारंभार लिस्टिंग हे जी -मेलमध्ये नसल्याने आणि यावरून डेटा पाठविता येण्याची क्षमता यांच्यामुळे यूजर हळूहळू गुगल या कंपनीच्या
जी- मेल या सर्व्हिसकडे वळाले . जागतिक पातळीवरील लोकांचा कल ज्याप्रमाणे जीमेलकडे झाला , तसाच काहीसा अनुभव भारतात आला आहे . जी – मेल ही फ्री ईमेल वापरणाऱ्यांची संख्या खूप मोठी आहे . यूजरना जी – मेलच्याबाबतीत काहीना काही नवीन देण्याचा प्रयत्न या गुगलकडून होतो . कंपनीने जी – मेलमध्ये नुकतेच मोठे बदल करणार असल्याची घोषणा केली .
त्यानुसार फाइल अॅटॅचमेंटची क्षमता २५ एमबीवरून १० जीबी करण्यातयेणार आहे . ‘ इंटिग्रेटेड गुगल ड्राइव्ह ‘ अंतर्गत ही सर्व्हिस मिळणार आहे . या वाढीव क्षमतेमुळे नेहमीच्या तुलनेत४०० पटींनी अधिक मोठी असणारी इमेज अथवा फाइल पाठविणे शक्य होणार आहे . याशिवाय पाठविण्यात येणारी फाइल ‘ क्लाउड ‘ मध्ये साठवून ठेवता येणार असून , मेल अथवा प्राप्तकर्त्यालाही ते अॅक्सेस करता येणार आहे ;
तसेच मिळालेल्या फाइलचे अपग्रेड व्हर्जनही मिळवता येणार आहे . जी – मेलवर १० जीबी मोफत स्टोरेज मिळत आहे . सध्या जी – मेलची किती स्पेस वापरत आहे याची माहिती साइन केल्यावर जी – मेलच्या पेजच्या खालील बाजूस पहायला मिळते . त्यानुसार आपल्याला किती डेटा ठेवायचा आहे आणि किती उडवायचा आहे किंवा त्याचा बॅकअप घ्याययचा आहे याची कल्पना यातून मिळते .
मात्र , क्षमता पूर्ण झाल्यास काही मेजेस ट्रॅशमध्ये ढकलता येऊ शकतात आणि त्यानंतर कायमचे डिलिट करून स्पेस वाढविण्यासाठी वाट मोकळी करता येऊ शकते . एखादा मेसेज ट्रॅशमध्ये ढकलायचा असल्यास तो सिलेक्ट करून किंवा तो ओपन करून डिलिट बटन दाबून संबंधित मेसेज ट्रॅशमध्ये पाठविता येतो .
एखदा मेसेज कायमचा डिलिट करायचा असल्यास संबंधित मेल इनबॉक्समध्ये सिलेक्ट करून डिलिटवर क्लिक करावे आणि त्यानंतर ट्रॅशमध्ये जाऊन डिलिट फॉरएव्हर या ऑप्शनला क्लिक करावे . मात्र , कायमचा डिलिट केलेला मेल पुन्हा मिळविता येत नाही . १० जीबी व्यतिरिक्त आणखी स्पेस मेलसाठी आवश्यक असल्यास सेटिंगमध्ये गुगल स्टोरेज ट्रबल शूटिंग पर्याय आहे . त्यावरून मेल पाठवून अतिरिक्त स्पेस घेता येऊ शकते . मात्र ,ती विकत घ्यावी लागते . गुगल कंपनीने जी – मेलसाठी दिलेली १० जीबी ही स्पेस , तशी मोठी आहे . त्यामुळे तिचे योग्य पद्धतीने व्यवस्थापन केल्यास ही स्पेस पुरू शकते .
