नव्वदच्या दशकापर्यंत लँडलाइन फोन हीच चैन होती. पुढे कॉर्डलेस आल्यानंतर फोनच्या वापरामध्ये आणखी सुलभता आली. त्यानंतर मोबाइलचा विचार पुढे आला. पण लोकांना फोन सोबत घेऊन फिरणे आवडणार नाही , असे सांगत मोबाइल उत्पादनासाठी सादर केलेला कर्जाचा प्रस्ताव सुरुवातीला एका बँकेने फेटाळला होता! पुढे मोबाइलला मिळालेली लोकप्रियता आणि उर्वरित इतिहास सर्वांनाच ठाऊक आहे.
पुढे मोबाइलचा आकार त्रासदायक वाटू लागल्याने स्लिम मोबाइल आले. बटणे दाबणे कष्टप्रद वाटू लागल्याने टचस्क्रीनचा जमाना आला. सध्या टचस्क्रीन चलतीत आहे. त्यामुळे मोबाइलचा फारसा उपयोग असो वा नसो ,जपून वापर करणे शक्य असो वा नसो , टचस्क्रीन घेण्याकडे अनेकांचा कल असतो. अर्थात आता या टचस्क्रीनच्या काही त्रुटीही जाणवू लागल्या आहेत. हे मोबाइल अतिशय काळजीपूर्वक वापरावे लागतात , त्यासाठी धसमुसळेपणा चालत नाही. सर्वांनाच हे जमत नाही आणि मग स्क्रीनवर थोडाही ओरखडा उठला अथवा मोबाइल जमिनीवर पडला तर खिशाला चाट पडते.
यावर मात करण्याचे आव्हान सॅमसंगने आव्हान पेलले आहे. गॅलेक्सीच्या नव्या सीरीजमध्ये दुमडता येण्याजोगी आणि न तुटणारी अर्थात फ्लेक्सिबल आणि अनब्रेकेबल स्क्रीन आणण्याचा विचार कंपनीने केला आहे. या प्रोजेक्टला कंपनीच्या मोबाइल विभागाचे प्रमुख जेके चिन यांच्या नावावरून ‘ प्रोजेक्ट जे ‘ हे कोडनेम देण्यात आले आहे. येत्या एप्रिलमध्ये दाखल होणाऱ्या गॅलक्सी एस ४ मध्ये ही अनब्रेकेबल स्क्रीन असण्याची शक्यता आहे. अॅपलच्या आयफोनला टक्कर देण्यासाठी गॅलक्सीची ही अनब्रेकेबल स्क्रीन मोठा सेलिंग पॉइंट ठरू शकतो.
एस ४मध्ये तुलनेने मोठा आणि चांगला डिस्प्ले असून , पॉवरफुल क्वॉडकोअर प्रोसेसिंग पॉवरही असणार आहे. विशेष म्हणजे , यात १३ मेगापिक्सल कॅमेराही असेल , त्यामुळे फोटोची क्वालिटी प्रत्येक इंचाला ४४१ पिक्सलने वाढेल. म्हणजेच गॅलक्सी एस ३ (३३६) आणि आयफोनपेक्षा (३२६) फोटोची क्वालिटी कितीतरी चांगली असेल. सॅमसंग गॅलक्सी एस ४ आणि ५मध्ये अनब्रेकेबल आणि फ्लेक्सिबल स्क्रीन असेल , असे तज्ज्ञ सांगत असले तरी खुद्द सॅमसंगने मात्र या वृत्ताला दुजोरा दिलेला नाही. मात्र अशा प्रकारच्या स्क्रीनच्या शोधात सॅमसंग आघाडीवर आहे. त्यासाठी ऑरगॅनिक एलइडीच्या पॅनलमधील काचेऐवजी प्लास्टिक वापरल्यास स्क्रीन अनब्रेकेबल होऊ शकते. त्यामुळे आगामी वर्षांत मोबाइल गॅजेटमध्ये फ्लेक्सिबल तसेच अनब्रेकेबल स्क्रीन्सची चलती होऊ शकते.
पुढे मोबाइलचा आकार त्रासदायक वाटू लागल्याने स्लिम मोबाइल आले. बटणे दाबणे कष्टप्रद वाटू लागल्याने टचस्क्रीनचा जमाना आला. सध्या टचस्क्रीन चलतीत आहे. त्यामुळे मोबाइलचा फारसा उपयोग असो वा नसो ,जपून वापर करणे शक्य असो वा नसो , टचस्क्रीन घेण्याकडे अनेकांचा कल असतो. अर्थात आता या टचस्क्रीनच्या काही त्रुटीही जाणवू लागल्या आहेत. हे मोबाइल अतिशय काळजीपूर्वक वापरावे लागतात , त्यासाठी धसमुसळेपणा चालत नाही. सर्वांनाच हे जमत नाही आणि मग स्क्रीनवर थोडाही ओरखडा उठला अथवा मोबाइल जमिनीवर पडला तर खिशाला चाट पडते.
यावर मात करण्याचे आव्हान सॅमसंगने आव्हान पेलले आहे. गॅलेक्सीच्या नव्या सीरीजमध्ये दुमडता येण्याजोगी आणि न तुटणारी अर्थात फ्लेक्सिबल आणि अनब्रेकेबल स्क्रीन आणण्याचा विचार कंपनीने केला आहे. या प्रोजेक्टला कंपनीच्या मोबाइल विभागाचे प्रमुख जेके चिन यांच्या नावावरून ‘ प्रोजेक्ट जे ‘ हे कोडनेम देण्यात आले आहे. येत्या एप्रिलमध्ये दाखल होणाऱ्या गॅलक्सी एस ४ मध्ये ही अनब्रेकेबल स्क्रीन असण्याची शक्यता आहे. अॅपलच्या आयफोनला टक्कर देण्यासाठी गॅलक्सीची ही अनब्रेकेबल स्क्रीन मोठा सेलिंग पॉइंट ठरू शकतो.
एस ४मध्ये तुलनेने मोठा आणि चांगला डिस्प्ले असून , पॉवरफुल क्वॉडकोअर प्रोसेसिंग पॉवरही असणार आहे. विशेष म्हणजे , यात १३ मेगापिक्सल कॅमेराही असेल , त्यामुळे फोटोची क्वालिटी प्रत्येक इंचाला ४४१ पिक्सलने वाढेल. म्हणजेच गॅलक्सी एस ३ (३३६) आणि आयफोनपेक्षा (३२६) फोटोची क्वालिटी कितीतरी चांगली असेल. सॅमसंग गॅलक्सी एस ४ आणि ५मध्ये अनब्रेकेबल आणि फ्लेक्सिबल स्क्रीन असेल , असे तज्ज्ञ सांगत असले तरी खुद्द सॅमसंगने मात्र या वृत्ताला दुजोरा दिलेला नाही. मात्र अशा प्रकारच्या स्क्रीनच्या शोधात सॅमसंग आघाडीवर आहे. त्यासाठी ऑरगॅनिक एलइडीच्या पॅनलमधील काचेऐवजी प्लास्टिक वापरल्यास स्क्रीन अनब्रेकेबल होऊ शकते. त्यामुळे आगामी वर्षांत मोबाइल गॅजेटमध्ये फ्लेक्सिबल तसेच अनब्रेकेबल स्क्रीन्सची चलती होऊ शकते.
ADVERTISEMENT
