लास वेगासमध्ये सुरु असलेल्या CES 2014 या टेक इव्हेंटमध्ये पहिल्याच दिवशी अनेक छोट्या-मोठ्या कंपन्यांनी आपआपली उत्कृष्ट प्रोडक्टस लाँच केली. यामध्ये पाच नवे वेगवेगळ्या प्रकारचे टॅबलेट लाँच केले गेले. मात्र मायक्रोमॅक्सच्या नव्या ड्यूल ओएस लॅपटॅबने सर्वांचेच लक्ष वेधून घेतले. हा लॅपटॅब फेब्रुवारीपासून बाजारात उपलब्ध होईल.मायक्रोमॅक्स या भारतीय कंपनीने या टॅबलेटचे लाँचिंग करीत जागतिक बाजारपेठेत प्रवेश केला. एकाच वेळी टॅबलेट आणि लॅपटॉप असा याचा वापर करता येईल. सिस्टिम सुरु होताच टॅबलेट तुम्हांला विचारणा करेल की, तुम्हांला विंडोजवर काम करायचं आहे की, अँड्रॉइडवर. युझर्सना आपल्या सुविधेनुसार ऑपरेटींग सिस्टिम निवडता येणार आहे.
मायक्रोमॅक्स ड्यूल ओएस लॅपटॅबची वैशिष्ट्ये
> मायक्रोमॅक्स लॅपटॅब दोन ऑपरेटींग सिस्टिम (विंडोज ८ / अँड्रॉइड जेली बीन)
> टॅबलेटमध्ये १.४६ GHz इंटेल प्रोसेसर > १०.१ इंचीचा आयपीएस डिस्प्ले स्क्रिन
> २ जीबी रॅम > ७४००mAh बॅटरी क्षमता > २ मेगापिक्सल कॅमेरा > वायरलेस की-बोर्ड
> ३२ जीबी इंटरनल मेमरी टॅबलेट मेमरी ६४ जीबी पर्यंत वाढवता येईल.
> ड्यूल ओएस लॅपटॅबची किंमत – १९,९९० रु.
ADVERTISEMENT
