गेल्या वर्षी ऑक्टोबरमध्ये डेस्कटॉप व iOS वर उपलब्ध झालेलं अडोबीचं Adobe Premiere Rush हे अॅप आता अँड्रॉइडवरसुद्धा उपलब्ध करून देण्यात आलं आहे. हे व्हिडिओ एडिटिंग अॅप वाप्रण्यास सोपं, सुटसुटीत यूजर इंटरफेस असलेलं आहे. याला अडोबी क्रिएटिव क्लाऊडची जोड देण्यात आली असल्यामुळे आपण आपल्याला हव्या त्या डिव्हाईसवर आपला व्हिडिओ एडिट करू शकतो व मध्येच थांबून तेच एडिटिंग दुसर्या डिव्हाईसवर देखील तेथूनच सुरुवात करत करता येते!
अडोबी प्रीमियर डाऊनलोड लिंक : Adobe Premiere Rush on Google Play
प्रीमियर रशमध्ये आफ्टर इफेक्ट्स, प्रीमियर प्रो, ऑडिशन या सॉफ्टवेअर्समधील काही सुविधा जोडलेल्या आहेत. उदाहरणार्थ अडोबी स्टॉकमधील मोशन ग्राफिक्स, ऑडिओ अॅडजस्ट, कलर करेक्शन, इ. शिवाय हे व्हिडिओ आपल्या आवडीच्या सोशल मीडिया प्लॅटफॉर्मवर योग्य अप्सेक्ट रेशोमध्ये एक्सपोर्ट करता यावेत यासाठी पर्याय देण्यात आले आहेत. फेसबुक, यूट्यूब, ट्विटर, इंस्टाग्राम या प्लॅटफॉर्मसाठी एक्सपोर्ट करून अपलोडसुद्धा करता येईल.
