लॅपटॉप , पेनड्राइव्ह , जाडजूड वायर्स आणि व्हाइट स्क्रीन .. प्रेझेंटेशनसाठी करावी लागणारी ही तयारी . हे सगळंविसरा आता . केवळ मोबाइलने तुम्ही उत्तम प्रेझेंटेशन देऊ शकता . त्यासाठी हवी एक भिंत किंवा प्लेन सरफेस .  प्रोजेक्टर मोबाइलचा जन्म  इपोक नावाच्या ब्रिटनमधल्या कंपनीने या प्रोजेक्टर मोबाइलची कसेंप्ट आणली . ब्रिटन आणि अमेरिकेतडॉक्युमेंट अॅसेम्बलिंग टेक्नॉलॉजी पुरवतात . या कंपनीच्या प्रोजेक्टर विभागाने २००८ मध्ये या मोबाइलचाविकास केला आणि २५ ऑगस्ट २००८ ला तो येथील बाजारात आला . या मोबाइलमुळे एसएमएस आणि फोनव्यतिरिक्त मोबाइलचा स्मार्टफोन म्हणूनही वापर होऊ शकतो . पहिल्यांदा विकसित करण्यात आलेला हाप्रोजेक्टर मोबाइल दिसायला एकदम साधा असला तरी यामध्ये टचस्क्रीन , ब्लुट्यूथ , १ जीबी मेमरी ही फिचर्सआहेत .  इंटरनॅशनल मार्केट  या अनोख्या टेक्नॉलॉजीला बाजारपेठेत स्थान मिळण्यासाठी फार काळ वाट पहावी लागली . इपोक याकंपनीनंतर बऱ्याच स्थानिक कंपन्यांनी अशी मॉडेल्स आणण्यास सुरुवात केली . पण , त्यांना फार यश ‌ आलं नाही. यानंतर सॅमसंगने जुलै २०१०मध्ये आपले बीम हे प्रोजेक्टर मोबाइलचे मॉडेल इंटरनॅशनल मार्केटमध्ये आणले .पण , त्यांनी ही सुविधा भारतासारख्या देशांपासून दूर ठेवली . यामुळे आपल्याला हा मोबाइल परदेशातूनमागवावा लागतो .  लक्ष्य ' मॅनेजमेंट ' विद्यार्थी  भारतात प्रोजेक्टर मोबाइल सर्वप्रथम चेन्नईतल्या टेकबेरी या मोबाइल कंपनीने बाजारात आणला . १८ नाव्हेंबर२०१० ला याचे अधिकृत लॉचिंग करण्यात आले . त्यानंतर इंटेक्स या कंपनीने आपला मोबाइल भारतात आणला. पण , सामान्य ग्राहकांकडे दुर्लक्ष केल्याने या कंपनीच्या मोबाइलबाबत फारशी कोणाला माहिती नव्हती .मॅनेजमेंटचे विद्यार्थी आणि कर्मचारी हे आमचे मुख्य ग्राहक असल्याचं या कंपन्यांचं म्हणणं आहे . यानंतर स्पाइसमोबाइलने सर्वसामान्य ग्राहक लक्षात घेऊन हा मोबाइल बाजारात आणला आणि त्याची आकर्षक जाहिरात करूनहा विषय उत्सुकतेचा बनविला . यामुळे ही टेक्नॉलॉजी सामान्यांपर्यंत पोहोचवण्याचं यश हे स्पाइस मोबाइलकडेचजाते . स्मार्टफोन , आयफोन , टॅबलेट यांच्या भाऊगर्दीत हा मोबाइल ग्राहकांना कसा आकर्षित करेल हे लवकरचकळेल .  स्पाइस एम ९०००  स्पाइसच्या खास मोबाइलच्या जाहिरातींमुळे सर्वांपर्यंत पोहोचलेला हा मोबाइल भारतातील बहुतांश मार्केटकाबीज करेल असा अंदाज व्यक्त करण्यात आला आहे . यामध्ये ८७ एमबीची इंटरनल मेमरी असून १६जीबीपर्यंत एक्स्पाण्डेबल आहे . यात जीपीआरएस , वॅप , युएसबी कनेक्टर , ब्लूटूथ या सुविधा आहेत .याचबरोबर ड्युएल सिमच्या या मोबाइलमध्ये ३ . २ मेगापिक्सलचा कॅमेराही आहे . याची किंमत साधारणत :६९०० ते ७५०० पर्यंत आहे .  मायक्रोमॅक्स एक्स ४०  स्वस्त आणि मस्त मोबाईलची रेंज बाजारात आणणारा मायक्रोमॅक्स या कंपनीनेही आपला प्रोजेक्टर मोबाइलबाजारात आणला आहे . विशेष म्हणजे हा ड्युअल सिम प्रोजेक्टर मोबाइल आहे . याशिवाय यामध्ये रेडिओ ,ओपेरा मिनी ब्राउझर , इबुक अशा विविध सुविधा आहेत . याचबरोबर मोबाइल ट्रॅकरही यामध्ये उपलब्ध आहे .यात २ मेगापिक्सलचा कॅमेरा आहे . या मोबाइलची किंमत पाच ते साडेपाच हजार इतकी आहे .  टेकबेरी एसटी - २००  भारतात प्रोजेक्टर मोबाइलची मुहुर्तमेढ करणारी ही कंपनी . या कंपनीचा भारतीय बनावटीच्या यामोबाइलमध्ये टचस्क्रीन उपलब्ध आहे . याची स्क्रीन ३ . २ इंचांची असून यामध्ये दोन मेगापिक्सलचा फ्लॅशकॅमेरा आहे . यामध्ये १०८० पिक्सलची एचडी स्क्रीन वापरण्यात आली आहे ..  इंटेक्स  हे मोबाइलमधून करण्यात येणारे प्रोजेक्शन आपल्याला ३६ इंचांचे दिसू शकते . यामध्ये एलइडी टेक्नॉलॉजीवापरण्यात आल्याने रिझल्ट आणखीनच सुस्पष्ट असेल . तसंच , हा मोबाइल ड्युएल सिम आहे . प्रोजेक्टर लावूनसलग तीन तास आपण त्याचे चित्र भिंतीवर पाहू शकतो . याचा अर्थ असा की , यामध्ये असलेली बॅटरी सलग तीनतास चालते . याची मेमरी १६ जीबीपर्यंतच एक्स्पाण्डेबल आहे . यामध्ये एलइड फोकस वापरण्यात आला असूनएका सेकंदाला फोटोच्या २५ फ्रेम बनू शकतात . या प्रोजेक्टर मोबाइलची किंमत १० ते १२ हजाराच्या आसपासआहे .  समसंग गॅलक्सी बिम I8530  मार्केटमध्ये येणाऱ्या नव्या ब्रँडबरोबरच काही प्रस्थापित ब्रँडही आता प्रोजेक्टर मोबाइलच्या मार्केटमध्ये उतरलेआहेत . सॅमसंग गॅलक्सी बिम नावाचा आपला पहिला वहिला प्रोजेक्टर मोबाइल बाजारात आणला आहे . इतरकंपन्यांच्या प्रोजेक्टर मोबाइलच्या तुलनेत हा मोबाइल खूप महाग आहे . असे असले तरी हा फोन खूप चांगलेरिझल्ट्स देतो . यात डिजीटल लाईट प्रोजेक्टर आहे . म्हणजे हा प्रोजेक्टर वापरताना अंधार करण्याची गरजभासत नाही . यात पाच मेगापिक्सलचा कॅमेरा आहे . याची किंमत ३० हजार रुपयांपर्यंत आहे .

बाजारातला सगळ्यात भारी फोन आपण हौसेनं घेतो , पणत्याचा वापर मात्र पुरेपूर होत नाही . बऱ्याचदा फोनमध्ये अॅप्स असूनही त्याचं काय करायचं ते कळत नाही . हीअॅप्स जरा समजून घेतली तर , लाइफ और आसान बन सकती है भिडू . एमईटी प्रस्तुत मुंबई टाइम्सकार्निवलमध्ये याच विषयावर सेमिनार झालं . वसईच्या वर्तक कॉलेजमध्ये ही धमाल सेटिंग जुळून आली .यावेळी सर्वांत आधी आपल्या रोजच्या जीवनात उपयोगी ठरत असेलेल्या १२ अॅप्सबद्दल विद्यर्थ्यांना माहितीदेण्यात आली , ती अशी ..  गुगल गॉगल्स  हे अॅप वापरून आपण आपल्या मोबाइलवरुन फोटोच्या माध्यमातून सर्च करू शकतो . म्हणजे , समजा आपणएखद्या प्रसिद्ध मंदिराचा फोटो घेऊन तो सर्च केला , तर आत्ता आपण असलेल्या ठिकाणापासून तिथे जाण्याचासंपूर्ण मार्ग हे अॅप आपल्याला दाखवतं . इतकंच नव्हे , तर एखाद्या वस्तूचा फोटो जर आपण सर्च केला , तर त्यावस्तूबद्दलची संपूर्ण माहिती आपल्यायला मिळू शकते .  ड्रॉपबॉक्स  आपला महत्वपूर्ण डेटा क्लाउड स्टोरेजच्या मदतीने सेव्ह करता येतो तो या अॅपमुळे . हे अॅप प्ले स्टोअरमध्येहीउपलब्ध आहे . यातून स्टोअर केलेला डेटा आपण कधीही आणि कुठेही अगदी मोबाइलमध्ये , लॅपटॉपमध्ये किंवाकम्पुटरमध्ये ओपन करू शकतो .  शेयर कॉंटॅक्ट्स व्हाया एसएमएस  फोनमधले कॉंटॅक्ट्स शेअर करायला आपल्याला मदत करतं ते हे अॅप . तेही एसएमएसच्या मदतीने . सध्याबहुतांश मोबाइलमध्ये बिसनेस कार्ड पाठवण्याची सोय नसते , अशा मोबाइलमध्ये हे अॅप खूप उपयुक्त ठरतं .  एमएक्स प्लेयर  हे अॅप सगळ्या प्रकारच्या व्हिडिओ फाइल्स प्ले करतो . या अॅपमध्ये ब्राइटनेस वाढवणे , झूम आणि इतर फीचर्सवापरू शकतो . यामुळे आपल्याला फिल्म पाहण्याचा चांगला आनंद लुटता येतो .  स्कॅन  हे अॅप QR कोड स्कॅन करायला वापरलं जातं . सध्या विविध जाहिरातींमध्ये QR कोड वापरला जातो . यामुळे आपल्याला जाहिरात आपल्या मोबाइलवर पाहता येऊ शकते . याचबरोबर त्यातील अधिक माहितीही आपल्यालायातून मिळते .  एव्हेर्नोट  आयडियाज किंवा आपल्या कामाबद्दलची माहिती सेव्ह करून ठेवण्यासाठी हे अॅप महत्त्वाचं ठरतं . ही माहितीआपण मोबाइल , कम्पुटर असे कुठेही आणि काहीही ओपन करू शकतो .  झोमॅटो  हे अॅप तुमच्या एरियामधलं हॉटेल किंवा रेस्टॉरंट आणि मेन्यू कार्ड्स अशा गोष्टी शोधण्यात मदत करतं . हे अॅपजीपीएसचा वापर करून आपल्याला उपयुक्त असं रिझल्ट देतं .  निंबझ  हे अॅप सगळ्या मोबाइल ऑपरेटिंग सिस्टममध्ये आहे . या अॅपमधून फेसबुक , हॉटमेल , जीमेलचं अकाउंटवापरता येतं . शिवाय मित्र आणि मैत्रिणीशी चॅटही करता येतं .  झेझ  या अॅपमधून वॉलपेपर , रिंगटोन्स , थीम्स आणि इतर गोष्टी फ्रीमध्ये डाउनलोड करता येतात .  वायबर ...

मराठीटेकवरच्या 2012 9च्या टॉप 9 नोंदी (Posts)  : EntryPageviews घरगुती पवनचक्की : टाकाऊ वस्तूंपासून निर्मिती (सतीश... Sep 14, 2012 430...

नवीन मोबाइल घेताना नेहमी प्रश्न पडतो कोणता घ्यावा ? अँड्रॉइड की आयफोन ? त्यातही महागडा फोन घ्यायचा तर गोंधळ आणखीनच वाढतो . सॅमसंग गॅलक्सी एस ३ आणि आयफोन पैकी कशाची निवड करावी ते कळतच नाही .दोन्ही त्यांच्या ठिकाणी ग्रेट आहेत , पण मग निवड कशी करायची ? तेव्हा निवड करताना सर्वात आधी पहा ते तुमचा मोबाइल ऑपरेटर . तसेच तुमच्या गरजेच्या अॅप्स आणि इतर गोष्टी कुठे आहेत तेही पहा . कारण एकदा का खरेदी झाली की स्विच करणे आर्थिक आणि मानसिक दोन्ही दृष्टीने त्रासदायक असते  आयफोन  मोठ्या प्रमाणात चांगल्या अॅप्सची उपलब्धता हे आयफोनचं सर्वात मोठं वैशिष्ट्य आहे . अॅपलच्या अॅप स्टोअरवर ७ लाखाहून अधिक अॅप्स उपलब्ध आहेत . ब - याचशा प्रस्थापित कंपन्या सुरुवातीला आयफोनसाठी अॅप बनवतात नंतर अँड्रॉइडसाठी . कितीतरी काळ इन्स्टाग्राम फक्त आयफोनसाठीच उपलब्ध होतं . फेसबुकनेही त्यांचं नवीन अॅप सुरुवातीला फक्त आयफोनसाठी उपलब्ध करून दिलं नंतर अँड्रॉइडसाठी . ट्विटर आणि फेसबुकचे आयफोन अॅप अतिशय उत्तम आहेत . त्यामुळे पोस्ट टाकणं अगदीचसहज होतं . पासबुकसारखी काही आयफोनसाठीच बनविलेली अॅपही याठिकाणी आहेत . मोबाइल पेमेंट क्षेत्रात कार्यरत असलेल्या स्क्वेअर कंपनीने त्यासाठी ही सुविधा देऊ केली आहे . याच्या सेटअपसाठी खूप वेळ लागत असला तरी फायदेही आहेतच . सर्वात महत्त्वाचे म्हणजे तुम्ही अॅपलच्या सिस्टीममध्ये उदा . की - बोर्ड बदलण्यासारखे फारसे बदल करू शकत नाहीत . त्यामुळे टेक सॅव्ही नसलेल्या किंवा ज्यांना फारसे बदल करायचे नसतील त्यांना याचा फायदा होतो .  अँड्रॉइड  अँड्रॉइडचा सर्वात मोठा प्लसपॉइंट म्हणजे विपुल प्रमाणात उपलब्ध असलेले मोबाइल्स . सँमसंग , एलजी ,मायक्रोमॅक्सपासून कितीतरी कंपन्यांचे अँड्रॉइड फोन बाजारात उपलब्ध आहेत . अगदी गुगलचा नेक्ससही तुमच्यासाठी हजर आहे . अँड्रॉइडचा दुसरा महत्त्वाचा फायदा म्हणजे , तुम्हाला गरजेप्रमाणे यात बदल करता येतात . उदा . स्विफ्ट की हे प्ले स्टोअरवर उपलब्ध असलेले एक आघाडीचे अॅप आहे . यात तुम्ही गरजेप्रमाणे की- बोर्ड बदलू शकता किंवा तुम्ही कोणता शब्द टाइप करणार याचा अंदाज हे सॉफ्टवेअर व्यक्त करते . त्यातून टायपिंग जलद होऊ शकते . आणखी एक गोष्ट म्हणजे याठिकाणी उपलब्ध असलेल्या विविध प्रकारच्या अॅप्स .अॅपल अॅप्स ही डेव्हलपरची पहिली पसंत असली तरी कित्येक अॅप्सला अॅपल मंजुरीच देत नाही . गुगलचं तसं नाही . त्यामुळे गुगलवरही जवळपास ७ लाख अॅप्स आहेत . विंडोज फोन आणि ब्लॅकबेरी हे देखील काही पर्याय आहेत . पण त्यांना अँड्रॉइड किंवा आयफोन इतक्या अॅप्सपर्यंत पोहोचायला खूप वेळ लागेल .

तंत्रज्ञानाच्या क्षेत्रात भारतीयांनी खूप मोठी झेप घेतली आहे. विंडोज , लिनक्स , अँड्रॉइडसह विविध ऑपरेटिंगसिस्टीमच्या विकासात हातभार लावला आहे . पण संपूर्ण भारतीय ऑपरेटिंग सिस्टीम बनविण्यात भारताला अद्याप यश आलेले नाही . पण येत्या तीन वर्षांत ही गोष्ट साध्य होऊ शकते . संरक्षण संशोधन व विकास संस्थाअर्थात डीआरडीओ इतर काही संस्थांच्या मदतीने यावर काम करते आहे . बाहेरील देशातून विंडोज , लिनक्स यासारख्या ऑपरेटिंग सिस्टीम आयात केल्याने व्हायरसचा धोका असतो .त्यामुळे आपली स्वतःची ऑपरेटिंग सिस्टीम असणे अनिवार्य असल्याचे डीआरडीओचे प्रमुख व्ही . के . सारस्वतम्हणाले . नवीन ऑपरेटिंग सिस्टीम विकसित करण्याचे काम गेल्या दीड वर्षांपासून सुरू असून त्याला मोठ्याप्रमाणात सॉफ्टवेअर इंजिनीअरची गरज लागणार आहे . सध्या देशभरातील १५० इंजिनीअर्स यावर काम करतअसून संपूर्ण भारतीय ऑपरेटिंग सिस्टीम पूर्ण व्हायला आणखी तीन वर्षं लागतील . विशेष म्हणजे यासाठी कुठल्याही प्रकारची परदेशी मदत घेतली जाणार नाही . त्यामुळे देशातील उद्योग , संशोधक , वैज्ञानिकांनीडीआरडीओ आणि इतर वैज्ञानिक विभागांच्या साथीने या कामाला हातभार लावावा . त्यामुळे पूर्णपणे स्वायत्तहोणे भारताला शक्य होईल , असे आवाहन त्यांनी केले . यापूर्वीही भारतीय ऑपरेटिंग सिस्टीम तयार करण्याचे काही प्रयत्न झाले होते . तामिळनाडूतील लोयोला इंजिनीअरिंग कॉलेजचा विद्यार्थी दीपक जॉन यानेही गेल्या वर्षी मायक्रोस ( मोबाइल इनक्युर्ड रिव्होल्युशनाइज्ड ऑपरेटिंग सिस्टीम ) ही ऑपरेटिंग सिस्टीम तयार केली होती . दुसऱ्या वर्षात शिकणाऱ्या दीपकची सिस्टीम क्रॅश झाल्याने त्याला ही प्रेरणा मिळाली होती . १०० एमबी आकाराची ही ओएस त्याने क्लाऊडवर तयार केली होती. त्यामुळे पेनड्राइव्हमधूनही ती वापरता येत होती . त्यासाठी कुठल्याही प्रकारच्या इन्स्टॉलेशनची गरज नव्हती पण सिस्टीममध्ये साठविलेल्या विविध फाइल्स यामध्ये अॅक्सेस करता येत होत्या व त्यावर कामंही करता येत होती . त्याने यामध्ये ओपन ऑफिसही दिले होते . यावर इंटरनेट आणि विंडोजवरील विविध अॅप्लिकेशन वापरता येतात . कम्प्युटर बंद केल्यावर त्यातील रॅममध्ये असणारी या संदर्भातील सर्व माहिती डिलीट होत असल्याने युझर्सला त्यांची गोपनीयता जपता येत होती .