गेल्याच आठवड्यात रियलमीने त्यांचा स्वस्त स्मार्टफोन realme C3 सादर केल्यानंतर रेडमीनी पुन्हा एकदा त्यांच्यामधील स्पर्धा किती तीव्र झाली आहे हे दर्शवत स्वस्त फोन्समध्ये आणखी एक पर्याय दिला आहे. चार महिन्यांपूर्वी आलेल्या Redmi 81 ची नवी सुधारित आवृत्ती असलेला Redmi 8A Dual आता ड्युयल कॅमेरासह उपलब्ध असेल. यासोबत प्रथमच रेडमी ब्रॅंड अंतर्गत स्वस्त Redmi Powerbank सुद्धा सादर करण्यात आल्या आहेत.
या फोनमध्ये नवं डिझाईन असेल. स्वस्त फोन असल्यामुळे नेहमीप्रमाणे यामध्येही फिंगरप्रिंट स्कॅनर देण्यात आलेला नाही. या फोनमध्ये 6.22″ HD+ डिस्प्ले देण्यात आलेला असून डॉट नॉच प्रकारचं डिस्प्ले डिझाईन आहे. यासोबत 1520×720 रेजोल्यूशन, Gorilla Glass 5, Snapdragon 439 हा प्रोसेसर मिळेल. फोनची रॅम 3GB आणि स्टोरेज 32GB आहे जे मेमरी कार्डद्वारे 512GB पर्यंत वाढवता येईल! ड्युयल कॅमेरामध्ये एक मुख्य कॅमेरा 13MP आणि दुसरा Depth Camera 2MP असेल. यामध्ये 5000mAh ची बॅटरी देण्यात आली आहे. बॉक्समध्ये 10W चार्जर देण्यात आला आहे मात्र हा फोन चक्क 18W फास्ट चार्जिंगला सपोर्ट करतो. अर्थात त्यासाठी वेगळा चार्जर घ्यावा लागेल.
रेडमीच्या नव्या पॉवरबँक आता भारतात मिळणार असून 10000mAh व 20000mAh अशा दोन पर्यायात उपलब्ध असेल. यांची किंमत अनुक्रमे ७९९ व १४९९ अशी आहे. 10000mAh पॉवरबँकमध्ये 10W फास्ट चार्जिंग आहे तर 20000mAh पॉवरबँकमध्ये 18W फास्ट चार्जिंग! microUSB आणि USB Type-C अशी दोन्ही पोर्ट्स यावर उपलब्ध आहेत.
Redmi 8A Dual ची किंमत ६४९९ (2GB+32GB) आणि ६९९९ (3GB+32GB) असून हा फोन १८ फेब्रुवारी पासून Amazon India, Mi.com व Mi Home store मध्ये उपलब्ध होणार आहे.
डिस्प्ले : 6.22″ Dot Notch Display LCD multi-Touch 1520×720
प्रोसेसर : Qualcomm Snapdragon 439
रॅम : 2GB/3GB
स्टोरेज : 32GB + Up to 512GB external memory
कॅमेरा : 12MP AI Dual Camera with 2MP Portrait Lens
फ्रंट कॅमेरा : 8MP
बॅटरी : 5000mAh Supports 18W Fast Charge
ऑपरेटिंग सिस्टिम : MIUI
इतर : Wi-Fi 802.11 b/g/n, Bluetooth 4.2, 3.5mm audio port, Gorilla Glass 5, Wireless FM Radio, Type-C Port
सेन्सर्स : Ambient Light Sensor, Proximity Sensor, Electronic Compass, Accelerometer
रंग : Midnight Grey, Sea Blue, Sky White
किंमत : ₹६४९९(2GB+32GB), ₹६९९९(3GB+32GB)
