सॅमसंगने काही दिवसांपूर्वी सादर केलेल्या Galaxy S22 सोबत त्यांची टॅब्लेट Tab S मालिकेत नवे तीन टॅब्लेट जाहीर करण्यात आले होते. ते काल भारतात सादर करण्यात आले असून त्यांची भारतीय किंमत व त्यावरील ऑफर्सची माहिती देण्यात आली आहे.
या टॅब्लेट्समध्ये सुधारित डिस्प्ले, नवीन अल्ट्रा वाईड फ्रंट कॅमेरा, ऑटो फ्रेमिंग तंत्रज्ञान, Quick Share अशा सुविधा दिलेल्या आहेत. सोबत S Pen चा सपोर्ट आहेच. तिन्ही टॅब्लेट 5G पर्यायासह उपलब्ध होतील. तिन्ही टॅब्लेट Android 12 OneUI 4 वर चालतात.
Galaxy Tab S8 Ultra मध्ये 14.6-inch Super AMOLED 120Hz डिस्प्ले, Tab S8+ मध्ये 12.4 inch AMOLED 120Hz डिस्प्ले तर Tab S8 मध्ये 11 inch डिस्प्ले देण्यात आला आहे. तिन्ही टॅब्लेटमध्ये मागे 13MP+6MP कॅमेरा आहे. Tab S8 Ultra मध्ये 12MP+12MP असे दोन फ्रंट कॅमेरा आहेत तर उर्वरित दोन टॅब्लेट्समध्ये 12MP चा एक फ्रंट कॅमेरा आहे.
Galaxy Tab S8 Ultra मध्ये 11,200mAh, Tab S8+ मध्ये 10,090mAh आणि Tab S8 मध्ये 8,000mAh बॅटरी मिळते. तिन्ही टॅब्लेट 45W चार्जिंग सपोर्ट करतात मात्र त्यासाठी चार्जर बॉक्समध्ये देण्यात आलेला नाही.
यावेळी प्रथमच तुमचा सॅमसंग फोन ड्रॉ करताना रंग निवडण्यासाठी पॅलेट म्हणून वापरता येईल अशी सोय दिली आहे. शिवाय Apple मध्ये व्हिडिओ एडिटिंगसाठी प्रसिद्ध असलेलं LumaFusion ॲप आता अँड्रॉइडवर Tab S8 वर प्रथम उपलब्ध होत आहे.
या टॅब्लेट्सची प्रिबुकिंग २२ फेब्रुवारीपासून सुरू होत आहे. प्रिबुकिंग करणाऱ्या ग्राहकांना २२९९९ किंमतीचं किबोर्ड कव्हर फ्री मिळेल. शिवाय HDFC बँक कार्डद्वारे प्रिबुकिंग केल्यास १०,००० चा कॅशबॅक मिळेल.
Galaxy Tab S8 Ultra : ₹1,08,999 WiFi (12GB+256GB)
Galaxy Tab S8 Ultra : ₹1,22,999 5G (12GB+256GB)
Galaxy Tab S8+ : ₹74,999 WiFi (8GB+128GB)
Galaxy Tab S8+ : ₹87,999 5G (8GB+128GB)
Galaxy Tab S8 : ₹58,999 WiFi (8GB+128GB)
Galaxy Tab S8 : ₹70,999 5G (8GB+128GB)
