Tag: Google

असे म्हणतात की, बाजारपेठेतील उत्पादनांमध्ये त्या त्या काळाचे प्रतिबिंब पाहायला मिळते. म्हणजे मिक्सर बाजारात केव्हा आला ? महिला मोठय़ा संख्य़ेने ...

तंत्रज्ञानामुळे आतापर्यंत दररोजच्या आयुष्यात खूप बदल झालेत . बदलांची ही प्रक्रीया अशीच सातत्याने सुरू राहणार आहे . जगणं अधिकाधिक सोपं करण्याच्या दृष्टीने सध्या तज्ज्ञांचे प्रयत्न सुरू आहेत . आयबीएमने नुकतेच आगामी पाच - दहा वर्षात लोकांच्या आयुष्यात आमुलाग्र बदल घडवू शकणाऱ्या काही संशोधनांची यादी जाहीर केली आहेत . सध्या सुरू असलेले संशोधन , नवनवीन तंत्रज्ञान आणि समाजातील ट्रेंड्सवरुन ही यादी तयार करण्यात आली आहे .  दृष्टी सध्या गुगलचे गॉगल्स अॅप फोटोतील गोष्टी ओळखून त्यांची माहिती देते . पण येत्या दशकाअखेर कम्प्युटर केवळ छायाचित्रांवरून ओळख पटवणार नाही तर मानवाप्रमाणे पिक्सेलनुसार समोरची गोष्ट ओळखू शकेल .उदाहरणार्थ भविष्यात लाल सिग्नल पाहून थांबायचे आहे , हे कम्प्युटरला कळेल . किंवा एखाद्या व्यक्तीला कोणते कपडे योग्य दिसतात , हे सांगू शकेल . वस्त्रोद्योगात सध्या अधिकाधिक ऑनलाइन ग्राहकांना आकर्षित करण्यासाठी या तंत्राचा उपयोग सुरू आहे . हे तंत्रज्ञान वैद्यकीय क्षेत्रासाठी खूप फायदेशीर ठरेल . त्यामुळे निरोगीपेशी आणि दूषित पेशींमधील फरकही ओळखता येऊ शकेल .  स्पर्श गेल्या कित्येक दशकांपासून यंत्रांना स्पर्श आणि संवेदनांची जाणीव व्हावी यासाठी तज्ञांचे प्रयत्न सुरू आहेत .त्यांना लवकरच यश मिळेल अशी चिन्हे आहेत . टचस्क्रीन मोबाइल , टॅबलेट ही त्याचीच सुरुवात आहे . सध्या इन्फ्रारेड , प्रेशर सेन्सिटिव्ह तंत्रज्ञानाचा वापर करून स्पर्श ओळखणे यासारख्या गोष्टींवर संशोधन सुरू आहे . त्यामुळे भविष्यात कम्प्युटरला कापडाला स्पर्शकरुन त्याचा प्रकार किंवा त्वचेला स्पर्श करून निदान करता येईल .  गंध एखादा वास घेऊन तो फुलाचा आहे की कृत्रिम हे ओळखणे लवकरच कम्प्युटरला शक्य होणार आहे . त्यामुळे स्क्रीनवर पाहून चमचमीत खाद्यपदार्थाचा गंध सामावून घेणे शक्य होईल . एखाद्या व्यक्तीच्या शरीरातून येणारा गंध , श्वासातील विविध घटक आणि शारीरिक हालचालींवर यंत्राच्या सहाय्याने डॉक्टर दमा , डायबिटीस ,फिट्स येणे , किडनीतील बिघाड वगैरे आजारांचे निदान करू शकतील . सध्या डिजीसेंट आणि ट्रायसेनएक्स या कंपन्या कम्प्युटरच्या मदतीने गंध तयार करणारे उपकरण तयार करत आहेत . डिजीसेंटने केमिकल स्ट्रक्चरच्या आधारे हजारो गंध एकत्र केले असून सेंट स्पेक्ट्रमच्या आधारे त्याच्या डिजिटायझेशनचे काम सुरू आहे . जेणेकरून कम्प्युटर गंध ओळखू शकेल . आयबीएमही सेन्सर्सच्या आधारे परिसरातील केमिकल्स गोळा करण्याचे तंत्र विकसित करत आहे . त्यावरून साफसफाई झाली आहे का , प्रदूषण किती आहे याचा अंदाज येऊ शकेल . सध्या पर्यावरणातील परिस्थितीचा आढावा घेण्यासाठी किंवा दुर्मिळ कलाकृती जतन करण्यासाठी आयबीएम यातंत्राचा वापर करत आहे .  चव विविध पदार्थातील मूळ घटकांच्या मॉलेक्युल्सची चाचणी करून , मानवी मनाला आवडणारी चव आणि गंधयांचा संयोग साधून चव ओळखण्याचे तंत्र तयार करत आहे . लक्षावधी रेसिपींची तुलना करुन आयबीएम हे तंत्र विकसित करते आहे . जपानमध्येही त्सुकुबा विद्यापीठात खाद्यपदार्थाची चव आणि त्यानंतर तोंडात तयार होणा -या विविध क्रियांचे विश्लेषण करण्यासाठी फूड सिम्युलेटर विकसित करण्यात गुंतले आहे . विविध केमिकल्स एकमेकांबरोबर कशी वागतात , त्यातील बाँडिंग स्ट्रक्चर यांच्या अल्गोरिदमचे विश्लेषण करुन चव ओळखण्याच्या दृष्टीने प्रयत्न सुरू आहेत .  ध्वनी कम्प्युटरने ध्वनीचे विश्लेषण सुरू केल्यानंतर आवाज , त्यामागील प्रेशर , ध्वनी तरंग ओळखणे सोपे होणार आहे .त्यामुळे परिसरात घडणा - या बारीकसारिक बदलांवरुन भविष्यातील हालचालींचे अंदाज वर्तवता येतील .उदाहरणार्थ , वा - याच्या आवाजात झालेला बदल यावरुन वादळ , भूकंप यांचा अंदाज वर्तवता येईल . 

तंत्रज्ञानाच्या क्षेत्रात येत्या वर्षात टॅबलेटचे राज्य असेल , हे सांगायला आता कोणा तज्ज्ञाचीही गरज पडणार नाही. व्यावसायिक उपयोगाबरोबरच खासगी उपयोगासाठीही सर्वत्र टॅबलेटचा वापर सुरू होणार हे आजूबाजूच्या परिस्थितीवरून दिसू लागले आहे . पण सर्वच टॅबलेट कंपन्यांना या ट्रेंडचा लाभ उठवता येणार नाही . सध्या तरी अॅपल , सॅमसंग , गुगल यांसारख्याच कंपन्या या मार्केटवर वर्चस्व गाजवणार हे स्पष्ट आहे . त्यामुळे ओळख करून घेऊया २०१३मधील टॉप टेन टॅबलेट्सची ...  गुगल नेक्सस १०  चालू वर्षात नेक्सस १० हा आयपॅडला टक्कर देणारा सर्वात आघाडीचा टॅब असणार आहे . चांगल्या तऱ्हेने डिझाइन केलेला हा गुगलचा एक उत्कृष्ट टॅब आहे . याची १० इंची स्क्रीन अनेक युजर्ससाठी खूपच फायद्याची ठरणार आहे . अँड्रॉइडच्या अत्यंत अद्ययावत व्हर्जनसह येणारा हा टॅब जुन्या किंवा कमी सुरक्षित ऑपरेटिंग सिस्टीमचा तिटकारा असणाऱ्यांसाठी आकर्षण ठरणार आहे .  सॅमसंग गॅलेक्सी टॅब २  सॅमसंग गॅलेक्सी टॅब २मध्ये अनेक पर्याय उपलब्ध असल्याने ग्राहकांमध्ये नेमका कोणता घ्यावा , याविषयी गोंधळ निर्माण होऊ शकतो . तरीही हा एक उत्तम टॅब आहे . ७ इंची किंवा १० . १ इंची स्क्रीनमधून निवडण्याचा पर्याययामध्ये उपलब्ध आहे . दोन्हींमध्ये केवळ वायफाय असणारा किंवा ४ जीवर चालणारा पर्याय उपलब्ध आहे .त्यामुळे हा एक अतिशय चांगला टॅब असून त्याच्या बलस्थानांकडे दुर्लक्ष करून चालणार नाही .  अॅमेझॉन किंडल फायर एचडी ८ . ९  ७ इंची आणि ९ - १० इंची टॅबलेटच्या दरम्यानचा हा एक चांगला टॅब आहे . याची किंमत जरा जास्त असली ,तरी त्यातील फीचर्सही तितकेच आकर्षक आणि उपयुक्त आहेत . अँड्रॉइडवर चालणारा अतिशय उत्तमरित्या डिझाइन केलेला किंडल तसाच दर्जेदारही आहे . सोबतच त्याचे अॅप स्टोअर थेट गुगलच्या प्ले स्टोअरला टक्कर देते. त्यामुळे या वर्षात किंडलला यश मिळणारच .  गुगल नेक्सस ७  नुकताच प्ले स्टोअरवरून भारतात दाखल झालेला गुगलचा नेक्सस ७ हा ७ इंची श्रेणीतील सर्वोत्कृष्ट टॅब आहे .जेलीबिनवर चालणार हा टॅब अतिशय सुरेख डिझाइनमध्ये उपलब्ध आहे . नेक्सस हा या श्रेणीतील एक अतिशय परवडणारा टॅब आहे .  बार्नेस अँड नोब नूक एचडी प्लस  भारतीयांना तुलनेने कमी माहिती असलेला हा टॅब त्याच्या श्रेणीतील किमतींना अगदी योग्य न्याय देणार आहे .२६ जीबी मेमरीसह मिळणाऱ्या या टॅबमध्ये १९२० बाय १२८० इतके फुल एचडी रिझोल्यूशन मिळते .वाचनाची आवड असणारे तर बार्नेस अँड नोबलच्या इ - बुक लायब्ररीला धन्यवादच देतील . किंडलला हा एक उत्तम पर्याय आहे .  आयपॅड मिनी  काहीजण आयपॅड मिनीला टॅबलेटच्या क्षेत्रातील चमत्कार मानतात . ७ . ९ इंची स्क्रीन असलेला मिनी मूळ आयपॅडपेक्षा खूप लहान आहे . पण तरीही त्यात आयओएसचा पूर्ण अनुभव मिळतो , जो अॅपलच्या अनेक चाहत्यांचा वीक पॉइंट आहे . सोबतच हा भल्यामोठ्या स्क्रीनच्या टॅबलेटपेक्षा पुष्कळसा मोबाइलच वाटतो .  सॅमसंग गॅलेक्सी नोट १० . १  गॅलेक्सी नोट १० . १ हा व्यावसायिक आणि वैयक्तिक अशा दोन्ही प्रकारच्या युजर्सचा आवडता टॅबलेट ठरला आहे. १० . १ इंची भलीमोठी स्क्रीन , दमदार प्रोसेसर आणि यातील इतर काही फीचर्स ग्राहकांना खूप आवडतात .यात असलेल्या अनेक गोष्टी इतर कुठल्याही टॅबलेटमध्ये मिळत नसल्याने गॅलेक्सीला यंदाही चांगला प्रतिसादमिळेल .  मायक्रोसॉफ्ट सरफेस प्रो  लोकांच्या नजरा वळलेल्या अनेक टॅबलेट्सपैकी हा एक . विंडोज ८ चालेल का ? युजर फ्रेंडली आहे का ? असे एक ना अनेक सवाल उठविले जातात . त्यामुळे लोकांच्या वळलेल्या नजरांचा अजून तरी कंपनीला फायदा झालेलानाही . पण हा एक अतिशय उत्तमरित्या तयार करण्यात आलेला टॅब असून येत्या वर्षात मायक्रोसॉफ्टचे चाहते त्याकडे अवश्य वळतील .  आयपॅड  आयपॅड या नावातच सर्व काही आले . टॅबलेटच्या जगाला दिशा देण्याचे कामच अॅपलने केले . त्यामुळे टॉप१०मध्ये आयपॅड असणे स्वाभाविकच आहे . हा आतापर्यंतचा सर्वाधिक खपलेला टॅबलेट आहे . आता ,आयपॅडला सध्या उपलब्ध असलेला बेस्ट टॅबलेट म्हणायचे किंवा नाही , हा वादाचा विषय असू शकतो , पण तरीही तो टॉपमध्ये राहणारच .  असूस ट्रान्सफॉर्मर पॅड इन्फिनिटी  ...

तंत्रज्ञानाच्या क्षेत्रात बदल ही नवीन गोष्ट नसली तरी तेसर्वांनाच पसंत पडतील याची खात्री मात्र कुणीच देऊ शकतनाही . अगदी बड्या कंपन्यांनाही त्यामुळे टीकेचा सामना करावा लागतो . सध्या गुगलवर ही वेळ आली असूनजीमेल , डूडल आणि प्रायव्हसी पॉलिसीवरुन गुगलला टीकेचा सामना करावा लागतो आहे . जीमेल मध्ये नवीन ईमेल टाइप करण्यासाठी पूर्वी नवीन पेज दिसत होते . पण त्याऐवजी आता नवीन पॉप - अपविंडो ओपन होऊ लागली आहे . ऑक्टोबरपासून गुगल त्याची चाचपणी करत होते आणि पूर्वीच्या पेक्षा ही पद्धतअधिक वेगवान असल्याचे कंपनीचे म्हणणे आहे . जीमेल युझर मात्र यावर खूश नाहीत . त्यांनी ट्विटरवरयाविषयी नापसंती व्यक्त केली असून इतर ईमेल सर्विसचा वापर करण्याचा विचार करत असल्याचे त्यांचे म्हणणेआहे . मात्र ज्या युझर्सला हा बदल आवडलेला नाही त्यांना जुन्या पद्धतीनेच ईमेल टाइप करण्याची सोय उपलब्धआहे . त्यासाठी कंपोझ बटनावर क्लिक केल्यावर नवीन ईमेल टाइप करण्यासाठी पॉप अप विंडो ओपन होईल .त्या विंडोमध्ये उजव्या हाताच्या खालील भागात more options असा पर्याय उपलब्ध आहे . त्यावर क्लिककेल्यावर temporily switch back to old compose असा ऑप्शन उपलब्ध आहे . त्यावर क्लिक केल्यावरपूर्वीप्रमाणे नवीन मेल टाइप करण्यासाठी स्वतंत्र पेज ओपन होईल . इस्टरच्या डुडलवरून टीका सीझार चावेझ यांच्या जयंतीनिमित्त इस्टरच्या दिवशी गुगलने तयार केलेले डूडल अनेक अमेरिकन नागरिकांनापसंत पडले नाही . अमेरिकेतील नॅशनल फार्म वर्कर्स असोसिएशनचे सहसंस्थापक असलेल्या चावेझ यांचे १९९३मध्ये निधन झाले होते . गेल्यावर्षी ३१ मार्च हा दिवस ओबामा यांनी सीझार चावेझ डे म्हणून जाहीर केला होता. त्यामुळे गुगलने रविवारी तयार केलेल्या डूडलमध्ये गुगल लोगोच्या मध्यभागी चावेझ यांचा चेहरा बसविण्यातआला होता . मात्र नेमका त्याच दिवशी इस्टर असल्याने इस्टरऐवजी चावेझ यांच्यावर डूडल तयार केल्याने अनेकनागरिक नाराज झाले . गुगलचे मुख्य कार्यकारी अधिकारी इरिक स्मिड आणि ओबामा यांच्यातील घनिष्टसंबंधांमुळे हे डूडल तयार करण्यात आल्याचा आरोप करण्यापर्यंत अनेकांची मजल गेली . प्रायव्हसीवरुन युरोपियन देशांचा रोष ब्रिटन , फ्रान्स , नेदरलँड , जर्मनी , स्पेन आणि इटली या सहा देशांनी मिळून गुगलच्या प्रायव्हसीपॉलिसीविरोधात संयुक्त कारवाई करण्याचा निर्णय घेतला आहे . गेल्यावर्षी कंपनीने ६० स्वतंत्र प्रायव्हसीपॉलिसी एकत्र करून एक युनिव्हर्सल पॉलिसी तयार केली होती . मात्र त्यामुळे गुगलकडे ग्राहकांची काय माहितीआहे आणि ती कंपनीकडे किती काळ राहील हे त्यांना कळत नसल्याचा आरोप या देशांनी केला आहे . माहितीतंत्रज्ञान क्षेत्रातील तज्ञांना मात्र कंपनीच्या सर्च इंजिनच्या यशस्वितेसाठी ही पॉलिसी गरजेची असल्याचे वाटते .

अमेरिकेत इंटरनेटच्या खासगी वाय - फायनेटवर्कमधून गुपचूपपणे , बेकायदेशीर माहिती गोळा केल्याप्रकरणी ७० लाख अमेरिकन डॉलर्स दंड भरण्याचीतयारी गुगलने दर्शवली . अमेरिकेतील ३८ राज्यांमध्ये अॅटर्नी जनरलसोबत हा करार केला .  माहितीची गोपनीयता राखण्याबाबत कर्मचाऱ्यांना कडक प्रशिक्षण देण्यास तसेच यूजर्सना वायरलेस नेटवर्कसुरक्षित करण्याविषयी जागरूक करण्याची मोहीम राबवण्यासही गुगलने मान्यता दिली . गुगलच्या स्ट्रीट व्ह्यूइमेजसाठी पॅनोरमा फोटो काढणाऱ्या वाहनांनी वायफाय इंटरनेटच्या असुरक्षित नेटवर्कमधून बेकायदेशीररित्याडेटा गोळा केल्याच्या वृत्तानंतर सुमारे डझनभर देशांमध्ये या प्रकरणाची चौकशी सुरू झाली होती . गुगलनेस्थानिक कायद्यांचे उल्लंघन केल्याचे नऊ देशांमध्ये समोर आले , असे इलेक्ट्रॉनिक प्रायव्हसी इन्फॉर्मेशन सेंटरनेस्पष्ट केले . स्ट्रीट व्ह्यू वाहनांनी अमेरिकेत २००८ ते २०१० या काळात गोळा केलेला ईमेल , पासवर्ड , वेबहिस्ट्री आणि अन्य डेटा नष्ट करण्याचे आश्वासनही गुगलने दिले .